ஆறு வகையான மூலநோய்க்கு தீர்வு

Author: தோழி / Labels: ,

மூல நோய் என்பது என்ன?, அதன் கூறுகள் யாவை?, நவீன அலோபதி மருத்துவமும், பழமையான நமது சித்த மருத்துவமும் எத்தகைய திர்வுகளை முன் வைக்கின்றன என்பதைப் பற்றி முந்தைய பதிவுகளில் விரிவாகவே பார்த்திருக்கிறோம். புதியவர்கள் மற்றும் தேவையுள்ளோர் மூல நோய் பற்றிய பழைய பதிவுகளை இந்த இணைப்பில் சென்று வாசிக்கலாம்.

அந்த வரிசையில் தேரையர் அருளிய மற்றுமொரு தீர்வினையே இன்றைய பதிவில் பார்க்க இருக்கிறோம். இந்த தகவல் தேரையர் அருளிய “தேரையர் வைத்தியகாவியம்” என்னும் நூலில் இருந்து சேகரிக்கப் பட்டது.

போகுமே மூல ரோகமுந்தான் தீர
ஆகுந் தூதுவளை வேர் சமூலமும்
தாகும் நல்லாரைப் பிரண்டைக் கருணையும்
வாகு மூலம் அருகன் சமூலமே.
மூலம் பூண்டு கிழங்குடன் மூலியும்
தாலமாய் உரலிட்டு துளாவியே
கோலமா  சீனி சர்க்கரை சேர்த்துமே
சீலமாந் தேனில் சிறப்புடன் கொண்டிடே.
கொண்டிடு வெருகடி பிரமாணமும்
உண்டிடவே இருவேளை மண்டலம்
அண்டிடாது அறுவகை மூலமும்
திண்டு மேனியுடன் விட்டு நீங்குமே.

தூதுவளை சமூலம், நல்லாரை, பிரண்டை, கருணை வேர், அருகன் சமூலம், நீர்பூண்டு கிழங்கு ஆகியவற்றை சேகரித்து சுத்தம் செய்து, சம அளவு எடுத்து உரலில் இட்டு நன்கு இடித்த பின்னர் அதன் எடைக்குச் சமமாக  சீனி சர்க்கரை சேர்த்து சேமித்துக் கொள்ள வேண்டுமாம்.

இந்த மருந்தினை தொடர்ந்து ஒரு மண்டல காலம் காலை , மாலை என இரு வேளையும் வெருகடி அளவு எடுத்து தேனில் குழைத்து உண்டு வந்தால் ஆறு வகையான மூல நோய்கள் குணமாகும் என்கிறார் தேரையர்.

குறிப்பு :  சமூலம் என்பது செடியின் வேர், தண்டு, இலை, பூ, காய், விதை என அனைத்தும் அடங்கியது.

ஒரு மண்டலம் - 48 நாட்கள்.

*வெருகடி = வெருகு என்பது காட்டுப் பூனையை குறிக்கும். வெருகடி என்பது பூனை தன் காலில் உள்ள பெருவிரல் உள்ளிட்ட மூன்று விரல்களினால் எடுக்கும் மண்ணின் அளவு. பழந்தமிழர் அளவை குறியீடுகளில் வெருகடியும் ஒன்று.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...




Post a Comment

6 comments:

கர்ம யோகி said...

தோழி,

பயனுள்ள பதிவு நன்றி!!

selvam said...

சீனி சர்க்கரை ஏன்பது கிழங்கு ?

திண்டுக்கல் தனபாலன் said...

பயனுள்ள பகிர்வுக்கு நன்றி சகோதரி...

Anonymous said...

Kattu punayin nagangalin alavu ku pathilaga veruva alavu sollungal...yen endral ennala adhai sariyaga kandupidikka mudiyavillai...

c.sreeni vasan said...

Thirumoolarin Puvaikakkisam sakkaram maathiri(sample) ondru enakku anuppa mudiyuma.thozhi. Kidaithal naanae paakiyavan. Palamurai muyarchithum. Naan athai sariyaaga seithena endru ayyam.

ba bu said...

thanks

Post a Comment