அறிவை பெருக்கும் நாறுகரந்தை கற்பம்

Author: தோழி / Labels: ,

நிழலின் அருமை வெயிலில் தெரியும் என்பதைப் போல,  உடல் நலம் இல்லாத காலத்தில்தான் நமக்கு உடல் நலனின் அருமை புரிகிறது.  உடல் நலமாய் இருக்கும் போது அதனை போற்றிப் பாதுகாத்து மெருகேற்றி வைப்பதன் மூலம் உடல் நோவு வரும் காலத்தில் அதில் இருந்து அதிக சிரமமோ வலியோ இன்றி மீள்வது சாத்தியமாகும்.

வரும் முன் காக்கும் விதமாய் உடலுக்கும் உள்ளத்திற்கும் தேவையான பயிற்சிகளையும் மருந்துகளையும் நம் முன்னோர்கள் அருளியிருக்கின்றனர். அந்த வகையில் நம் உடல் நலனை மேம்படுத்தும் கற்பங்களை பற்றி நெடுகே பகிர்ந்து வந்திருக்கிறேன். அதன் தொடர்ச்சியாக இன்று அறிவுத் திறனையும், உடல் நலத்தையும் ஒருங்கே மேம்படுத்தும் ஒரு காயகற்பம்  பற்றி பார்ப்போம்.

இன்று நாம் பார்க்க இருப்பது நாறுகரந்தை கற்பம். இந்த தகவல் "கருவூரார் பலதிரட்டு" என்ற நூலில் இருந்து சேகரிக்கப் பட்டது.  கரந்தை செடி "Sphaeranthus indicus" குடும்பத்தைச் சேர்ந்தது. இதில் பல வகை கரந்தைச் செடிகள் இருக்கின்றன. இதில் நாறுகரந்தை என்பது எதைக் குறிக்கிறது என்பதை அறிந்தவர்கள் பின்னூட்டத்தில் பகிரலாம்.

இனி கருவூரார் அருளிய முறையினை பார்ப்போம்.

நெறியோடே வாழ்வதற்குக் கற்பங்கேளு
நிசநாறு கரந்தையுட கற்பந்தன்னைப்
பெருபூர்வ பட்சபிர தமையிலப்பா
கரந்தைசமூ லம்வாங்கி நிழலுலர்த்தி
வாட்டமில்லாச் சூரணமாய்ச் செய்துகொண்டு
வகையாக வெருகடிதான் நெய்யிற்கொள்ளே
தாட்டிகமா யொருமாதந் தின்பாயாகில்
சத்தியமாய் புத்தியுண்டாம் ஞானமுண்டாம்
கோட்டியில்லாக் கற்பமிது பத்தியங்கேள்
குருவையரிசிச்சாதம் நெய்யும் பாலாம் 

ஆமென்றும் மற்றொன்று மாகாதப்பா 
ஆனகற்ப மிரண்டுமா தந்தான்கொண்டால்
பூமிதனில் நடக்குமொரு வதிசயங்கள்
புகழ்பெறவே தெரியுமப்பா கெதியுந்தங்கும்
வாமமுட னரைவருடங் கொண்டாயாகில்
வகையாக மகாசித்தி யடையலாகும்
காமவலைக் குட்படவு மாகாதப்பா
கருத்தான கற்பமிந்தக் கற்பம்காணே

கேளப்பா நாழிகையோ சனைதூரம்
கெடியாகப் போய்வரலாம் கெவுனமார்க்கம்
கேளப்பா ஆகாசகெவுனம் பாய்வான்
கெவுனசித்தி யட்டசித்தி வச்சிடகாயன்
கிலேசமில்லை ஒருவருடங் கொண்டாயானால்
கிலேசமில்லை வயதுபதி னாறுதோன்றும்
கேளப்பா வருடமா யிரமிருப்பான்
கிருபையுள்ள கற்பமிது கொண்டுபாரே

வளர்பிறையில் வரும் முதல் திதியான பிரதமை திதி அன்று நாறுகரந்தை சமூலத்தினை எடுத்து நிழலில் நன்கு உலர்த்தி இடித்துச் சூரணமாக செய்து சிமிழில் சேமித்துக் கொள்ள வேண்டுமாம். பின்னர் அந்தச் சூரணத்தில் இருந்து தினமும் *வெருகடி அளவு எடுத்து நெய்யில் குழைத்து உண்ண வேண்டுமாம்.

இவ்வாறு தொடர்ந்து இரண்டுமாதங்கள் உண்டு வந்தால் புத்தியும் ஞானமும் உண்டாவதுடன் உலகில் நடப்பவைகள் அனைத்தும் தெரிய வருமாம். இந்தக் கற்பத்தினை தொடர்ந்து ஆறு மாதங்கள் உண்டால் கெவுன சித்தி, அட்ட சித்தி, வஜ்சிரகாய சித்தி போன்ற மகாசித்திகள் கிடைக்குமாம். இவ்வாறு தொடர்ந்து ஒருவருடம் உண்டால் பதினாறு வயது தோற்றத்துடன் ஆயிரம் வருடங்கள் வரை வாழலாம் என்கிறார் கருவூரார்.

பத்தியமாக மருந்துண்ணும் நாட்களில் குருவை அரிசிச் சாதமும், நெய்யும் பாலும் மட்டும் உணவில் சேர்ப்பதுடன் மற்றைய அனைத்துப் பதார்த்தங்களையும் நீக்க வேண்டும் என்கிறார்.

குறிப்பு :  சமூலம் என்பது செடியின் வேர், தண்டு, இலை, பூ, காய், விதை என அனைத்தும் அடங்கியது.  

சூரணம் - ஈரமானவைகளை காய வைத்தும், காய்ந்தவைகளை சுத்தமாக்கியும், வறுக்க வேண்டியவைகளை வறுத்தும் இடித்தோ அரைத்தோ பொடியாக்கி சலித்து எடுத்துக் கொள்வது. 

* வெருகடி = வெருகு என்பது காட்டுப் பூனையை குறிக்கும். வெருகடி என்பது பூனை நடக்கும் போது தன் காலில் உள்ள பெருவிரல் உள்ளிட்ட மூன்று விரல்களினால் எடுக்கும் மண்ணின் அளவு. பழந்தமிழர் அளவை குறியீடுகளில் வெருகடியும் ஒன்று.

அனைவருக்கும் இதயம் நிறைந்த கிறிஸ்துமஸ் வாழ்த்துக்கள்.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...




Post a Comment

15 comments:

Yogeshwar Maya said...

Ennaku padikkanumnu aasa aana padippe vara maateangudhu neanga idhukku yedhavadhu easyaana vali sonninga palaperukku udhaviya irukkum

venkat said...

தாங்கள் பதிவுகளில் கூறும் மூலிகைகளின் புகைப்படமும் சேர்த்து பதிந்தால் இன்னும் பயனுள்ளதாக இருக்கும்

SANGAMES said...

Useful message dear friend thank you.

Rajakumaran said...

Thanks nice.

mani k said...

Thank you

கர்ம யோகி said...

நன்றி தோழி.
தங்களின் பரிசோதனைகளை விரைவில் எதிர்பார்க்கின்றோம்

arul said...

they know only the song of siththar. above article tholi(bloger) says they dont know the verity of narukaranthi,

S.Puvi said...

Nanri Friend,
thankalin udl nalaththaium kavaniththukkollunkal

mohan a said...

unga ketta phone la pesavenum sir .
this is my number 7373113021

Madan Nath said...

narkarandai epadi erukum

Subash James said...

I would like to know more about this. Could you call me to this number 9489618822. Looking forward to hear from you. Thanks

Subash James said...

I would like to know more about this. Could you call me to this number 9487618822.

Moh Thasleem said...

Naaru karanthai enral enna?

Moh Thasleem said...

Naaru karanthai enral enna?

Unknown said...

Migavum varuhtukiraean enthaiyaaah tamilin maruthuvaah magimaaigalai maranthu viduthu indru adhaan azhivuukku nammai ariyaamalae vazhi vakukindroam.Iniyavathu maaruvoam,maatruvoam.Nandri thozhi.Ungallin indaah vaalai thalam moolam engaaluku vazhi kaatiyathirku.Ellam vallah andaah eraaivaaan aruul puriyaatum..

Post a Comment