குரு பெயர்ச்சி பலன்கள் - மேஷம், ரிஷபம், மிதுனம் ...

Author: தோழி / Labels:

குரு பகவான் இடப ராசியில் இருந்து மிதுன ராசிக்கு கடந்த வைகாசி 14ம் திகதி அன்று 38 நாழிகை 51 வினாடி அதாவது 28.05.2013 இரவு 09 மணி 24 நிமிடத்திற்கு பெயர்ந்திருக்கிறார். மிதுன ராசியானது குருபகவானுக்கு நட்புஸ்தானம் என்கிறது சோதிட நூல்கள்.

இதன் எதிரொலியாக அடுத்த ஓராண்டு காலத்திற்கு ஒவ்வொரு இராசிக்கும் எத்தகைய பலன்கள் உண்டாகும் என்பதைப் பற்றி இனிவரும் பதிவுகளில் பார்ப்போம். இன்று முதல் மூன்று ராசிகளான மேஷம், ரிஷபம், மற்றும் மிதுன ராசிகளுக்கான பலன்களைப் பார்ப்போம்.

மேஷம்.

நட்சத்திரங்கள் - அசுவினி, பரணி, கிருத்திகை 1ஆம் பாதம் வரை.

மேஷ ராசிக்காரர்கள் அடிப்படையில் சுயநலம் குறைந்தவர்களாக இருப்பார்களாம். இத்தகைய மேஷ ராசிக்கு தற்போது இரண்டாவது கட்டமான இடப ராசியில் இருந்து பெயர்ந்து மூன்றாவது கட்டமான மிதுன இராசிக்கு வருந்திருக்கிறார். இந்த நிலையை சாதக சிந்தாமணி பின்வருமாறு கூறுகிறது.

மன்னவன் மூன்றில் நிற்க
மாபெரும் மாற்றம் தோன்றும்
எண்ணிய காரியங்கள்
எல்லாமே வெற்றியாகும்
தன்னலம் மாறிப் போகும்
தைரியம் வந்து சேரும்
மண்ணிலே பதவி வாய்க்கும்
மேன்மைசேர் வாழ்வு தானே.

கடந்த ஆண்டுகளில் நிலவி வந்த இறுக்கம், தயக்கம் போன்றவைகளின் தீவிரம் குறையும். பொதுவில் இந்த பெயர்ச்சியினால் குரு பகவானின் பாதிப்புகள் குறைந்த அளவில் இருக்கும். அதே நேரத்தில் மிதமான நல்ல பலன்களை எதிர்பார்க்கலாம். பெரிய பாதிப்புகள் இல்லை என்பதே சுப பலன் என்பதை நினைவில் வைக்கவும்.

ரிஷபம்.

நட்சத்திரங்கள் - கிருத்திகை 2ஆம், 3ஆம், 4ஆம் பாதம் , ரோகிணி, மிருகசிரீஷம் 1ஆம், 2ஆம் பாதம் வரை.

ரிஷப ராசிக்காரர்கள் அடிப்படையில் மிகுந்த முன் யோசனை உடையவர்களாக இருப்பார்களாம். இது வரை ராசிக்கு ஜென்ம குருவாக இருந்த குரு பகவான் இரண்டாம் வீடான மிதுன ராசிக்கு பெயர்ந்திருக்கிறார்.  

இதனை சாதக சிந்தாமணி பின் வருமாறு கூறுகிறது.

வாக்கினில் வியாழன் வந்தால்
வாழ்க்கையில் மேன்மை யுண்டாம்
தாக்கிய துன்ப மெல்லாம்
தகர்ந்துதூள் தூளாய்ப் போகும்
ஆக்கங்கள் பலவும் உண்டாம்
அரசரைப் போல ஆக்கும்
நோக்கங்கள் யாவும் வெல்லும்
நோயில்லா வாழ் வுண்டாமே.

குரு பெயர்ச்சியினால் பெரிய அளவில் நன்மை பெறப் போவது இந்த ராசிக்கு உட்பட்டவர்கள்தான். கடந்த ஆண்டு நிலவி வந்த இறுக்கம், தயக்கம் போன்றவைகளின் தீவிரம் குறையும். உடல்நலம், மன நலம், செல்வ வளம் என எல்லா அம்சங்களிலும் ஏற்றம் உண்டாகுமாம். காரியத் தடைகள் விலகும், கல்வி சிறக்கும். குடும்பத்தில் மகிழ்ச்சி உண்டாகுமாம். குருவருளும், திருவருளும் கைகூடி நிற்கும் காலமாக இருக்குமாம். 

மிதுனம்.

நட்சத்திரங்கள் - மிருகசிரீஷம் 3ஆம், 4ஆம் பாதம், திருவாதிரை, புனர்பூசம் 1ஆம், 2ஆம், 3ஆம் பாதம் வரை.

மிதுன ராசிக்காரர்கள் பிறர் போற்றும் வகையில் முன் மாதிரியானவர்களாக இருப்பார்களாம். இத்தகைய மிதுன ராசிக்கு பன்னிரெண்டாவது வீடான இடப ராசியில் இருந்த குரு பகவான் பெயர்ந்து ஜென்ம குருவாக வந்திருக்கிறார். 

ஜென்மத்தில் குரு வந்தால்
செலவுகள் மெத்த உண்டாம்
பொன் பொருள்கள் வாங்குவதும்
காணிநிலம் வாங்கும் போதும்
கருத்துடன் கவனமாய் கொண்டால்
மனம் இனிக்கும் வாழ்வமையும்
வந்திணைந்த குருவை
வழிபட்டால் வளர்ச்சி தரும்.

இந்த குரு பெயர்ச்சியால் இதுவரை இருந்த அனுகூல நிலை இனி இருக்காது. எனவே இந்த கால கட்டத்தில் மிதுன ராசிக்காரர்கள் எண்ணம், சொல், செயல் ஆகியவற்றில் நிதானம் காட்டுவது நல்லது. குடும்ப வழிச் சொத்துக்கள், உறவுகள் மூலமாக நெருக்கடிகள் உண்டாகலாம். குருவருளை வேண்டி வணங்கி இடர்களை களையலாம். 

அடுத்த மூன்று ராசிகளான கடகம், சிம்மம், கன்னி ஆகியவற்றின் பலன்களை நாளைய பதிவில் பார்ப்போம்.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...




Post a Comment

6 comments:

La Venkat said...

அன்புள்ள தோழி,
ரிஷ்பம் என் ராசி.
அன்புடன் தோழன்,
லா வெங்கட்.

Prakash Rose said...

enathu rasi kanni... inda guru peyarchi enaku kavanathudan iruka solli guru kooriyullar. virubathagatha palangal varamaliruka allathu athan thakkam kuraivaga iruka veru ethenum vazhigal irukiratha? en enil enaku thirumanam seiya en petrorgal pen thedum padalathil moozhgi irukirargal.

Sri Vengadesh said...

rishabam en raasi nalla irukku but practikala mosama irukku

Krishna Prakash said...

No reply for my mail from thozhi

Krishna Prakash said...

No reply for my mail from thozhi

prashanth said...

தோழி சில மாதங்களுக்கு முன் நான் ஒரு பதிவில் படித்தேன் பதினெட்டு சித்தர்கள் இல்லை பதினெட்டு வகையான சித்தர்கள் என்று அதில் உள்ளது உதாரணம் தந்திர சித்தர்கள் யந்திர சித்தர்கள் இதை பற்றி தங்களுக்கு தெரிந்தது சொல்ல இயலுமா

Post a Comment