நந்தீசர் அருளிய விடத்தலைக் கற்பம்

Author: தோழி / Labels: ,

விடத்தலை என்பது மர வகையினைச் சேர்ந்த ஒரு மூலிகை. நவகோள்களில் ஒன்றான சனியின் அம்சமாய் இந்த மரத்தினை குறிப்பிடுவர். இந்த மரத்தின் தாவரவியல் பெயர் “mimosa cinerea” என்பதாகும். இந்த மரம் பற்றிய மேலதிக விவரங்கள் இங்கே அறியலாம். 

எளிய வகை கற்பங்களின் வரிசையின் நந்தீசர் அருளிய விடத்தலைக் கற்பம் பற்றி பார்ப்போம்.  இந்த தகவல் "நந்தீசர் சர்வகலைஞானம்"  என்ற நூலில் இருந்து சேகரிக்கப் பட்டது. அந்த பாடல்கள் பின்வருமாறு... 

வாறுகேள் விடத்தேர்வர் பட்டைவாங்கி
மருவநன்றாய் நிழலுலர்த்திச் சூரணமேசெய்து
பேறுகேள் பலம்நாலு நிறுத்துக்கொண்டு
பேசரிய சூதமது பலந்தானாலு
தாறுகேள் கல்வத்தி லிதனைப்போட்டு
சாதகமாய் மல்லிகையின் சாறுவிட்டு
தேறுகேள் எண்சாம மைபோலரைத்து
தேன்வார்த்து வுண்டைசெய்து சிமிழில்வையே.

- நந்தீசர்.

வைத்ததொரு மருந்தெடுத்து அந்திசந்தி
வகையாக மண்டலந்தா னுண்டாயானால்
நைத்ததொரு சடமிருகித் தங்கம்போலாம்
நாடியெல்லாம் பிகுவாகி யழுத்தும்திரேகம்
கைத்ததொரு பித்தமதுக் கபத்தைச்சாடும்
கடகடென்று ஆறுதலம் நீர்ந்துபோகும்
மெய்த்ததொரு சரஸ்வதியு நிர்த்தஞ்செய்வாள்
வீணைபோல ஒலியாகும் நாக்குத்தானே.

- நந்தீசர்.

விடத்தலை மரத்தின் வேர் மற்றும் பட்டையை எடுத்து நன்கு இடித்துச் சூரணமாக செய்து கொள்ள வேண்டுமாம். பின்னர் அந்தச் சூரணத்தில் இருந்து நான்கு பலம் அளவு எடுத்து, அதனுடன் இரசம் நான்கு பலம் சேர்த்து, மேலும் மல்லிகைச் சாறு விட்டு, எட்டுச் சாமம் வரை தொடர்ந்து அரைக்க வேண்டுமாம். பின்னர் இந்த கலவையுடன் தேன் சேர்த்து குழைத்து நிழலில் உலர்த்தி உண்டையாக செய்து சிமிழில் சேமித்துக் கொள்ள வேண்டும் என்கிறார்.

தினமும் இந்த உண்டையில் இருந்து வெருகடி அளவு எடுத்து காலை மாலை என இரு வேளைகள் உண்ண வேண்டுமாம். இவ்வாறு தொடர்ச்சியாக நாற்பது நாட்கள் உண்டு வந்தால் உடலானது இறுகுவதுடன் தங்கம்போல் மின்னுமாம். நாடிகள் சுத்தியகுமாம். வாதம், பித்தம், கபம், ஆகியவை சரியான அளவில் இருக்குமாம். குரலும் வீணையின் ஒலிபோல் இருக்கும் என்கிறார். 

இந்த கற்பத்திற்கு பத்தியங்கள் எதுவும் சொலலப்படவில்லை.

ஒரு மண்டலம் - 48 நாட்கள்.

வெருகடி = வெருகு என்பது காட்டுப் பூனையை குறிக்கும். வெருகடி என்பது பூனை தன் காலில் உள்ள பெருவிரல் உள்ளிட்ட மூன்று விரல்களினால் எடுக்கும் மண்ணின் அளவு. பழந்தமிழர் அளவை குறியீடுகளில் வெருகடியும் ஒன்று.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க..




Post a Comment

8 comments:

Remanthi said...

மிகவும் அருமையான தகவல் தான்...

Remanthi said...

தோழி வெருகடி அளவு mg எவ்வளவுனு சொல்லவும்... அல்லது வெருகடி அளவு படத்தையவாது வெளிபடுத்தவும்... thanks

kimu said...

நன்றி தோழி .

Unknown said...

satru thayakathudan than ketkiren. Ungalai varutha alla. Sitharkalal iyatrappata nigandu vagai minnool thangalidam ullatha. erunthal pagirnthu kolla mudiyuma? Nandri.
-Bogarseedan

thamarai said...

அன்புள்ள தோழிக்கு

எனக்கு ஒரு சந்தேகம் எண்னுடைய ஜாதகப்படி நான் கடைசி வரை கஷ்டப்பட்டு கொண்டு தான் இருப்பேன் மேலும் இதுபோல் சித்தர்கள் வழியாக இரைவனை சரணடைவது எண்னுடைய ஜாதகப்படி இல்லை என்று கூறுகிறார்கள் இதை மாற்ற வழி இருக்கிறதா

தயவுசெய்து வழிகாட்டவும

நன்றிகள் ்

raja said...

தோழி,

இங்கு இரசம் என்றால்!!! மேலும் மல்லிகை சாறு எண்பது கொத்தமல்லி சாரா!!!

Gnanam Sekar said...

நல்ல தகவல்

prakash said...

Theivaththan aagatheninum muyarchi than meivaruththa kooli tharum.

Post a Comment