இரசவாதத்தில் யந்திரங்கள்

Author: தோழி / Labels:


சித்தரியலில் இரசவாதம் என்பது பெருங்கடல். இவற்றை முழுமையாக புரிந்து கொள்வதற்கு குறைந்த பட்சம் ஒரு வாழ்நாளின் உழைப்பு தேவைப்படும். இதன் பரிமாணங்கள் பல தரத்தவை. தற்போதைய நவீன அறிவியலை விடவும் மேலான தர நிர்ணயங்களையும், நோக்கங்களையும் கொண்டது இரசவாத அறிவியல். நமது வலைப் பதிவில் இந்த அறிவியலின் சில கூறுகளைப் பற்றி நாற்பதுக்கும் மேலான பதிவுகளின் ஊடே பகிர்ந்திருக்கிறேன். அதன் தொடர்ச்சியாக இனி வரும் நாட்களில் இரசவாதத்தில் பயன்படுத்தப் படும் சில பொறிகளைப் பற்றி பார்ப்போம்.

தற்போது நாம் கருவிகள் என்று சொல்வதையே பொறிகள் என்று சொல்கின்றனர். இரசவாதத்தில் இந்த பொறிகளை யந்திரம் என்றே குறிப்பிடுகிறார்கள். தற்போதைய ஆய்வுக் கூடங்களில் பயன் படுத்தப்படுகிற நவீன உபகரணங்களின் முன்னோடியாக சித்தர் பெருமக்கள் உருவாக்கிய இந்த யந்திரங்களைச் சொல்லலாம். ஒன்றிலிருந்து தேவையானதை பிரித்தெடுக்க, இரண்டு மூலகங்களை ஒன்று சேர்க்க, ஒரு மூலகத்தின் தன்மையை மாற்றிட என பல்வேறு வகையான வேலைகளுக்கு இந்த யந்திரங்கள் பயனாகி இருக்கின்றன.

இந்த தொடரில் அத்தகைய ஏழு யந்திரங்களைப் பற்றியும், அதன் செயல்பாடு மற்றும் வரைபடங்களை பகிர்ந்து கொள்கிறேன். அந்த வகையில் இன்று நாம் பார்க்க இருக்கும் யந்திரம் "சுடர் தைல யந்திரம்".

இந்த இடத்தில் தைலம் பற்றிய ஒரு சிறு அறிமுகம்.

தைலம் என்பது இரசவாதத்தின் ஒரு அங்கம். தேவையை பொறுத்து குறிப்பிட்ட மூலகங்களை, மூலிகை சாறு உள்ளிட்ட தனிச் சரக்குகளோடு தகுந்த விகிதத்தில் காய்ச்சி பாகு நிலையில் வடித்தெடுப்பதே தைலம் எனப் படுகிறது. இவற்றை ஐந்து வகையாக பிரித்திருக்கின்றனர். அவை முறையே "முடித் தைலம்", "பிடித் தைலம்", "குடித் தைலம்", "துளைத் தைலம்", "சிலைத் தைலம்" எனப்படும்.

இந்த ஐந்து வகையான தைலங்களை தயாரிக்க பன்னிரெண்டு முறைகளை சித்தர் பெருமக்கள் அருளியிருக்கின்றனர். அவை முறையே சூரியப்புட தைலம், மண் தைலம், நீர் தைலம், தீநீர் தைலம், கொதித் தைலம், ஆவி தைலம், உருக்கு தைலம், சுடர் தைலம், சிலைத்தைலம், குழித் தைலம்,   மரத் தைலம், பொறித்தைலம் என்பனவாகும்.

இவற்றுள் சுடர் தைலம் பற்றி பார்ப்போம்.

சுடர் தைல யந்திரம்



ஒரு முழ நீளம் உள்ள வெள்ளைச் சீலை ஒன்றை எடுத்து அதில் மூலகங்களைக் கொண்டு தயாரித்த சரக்கை தடவி, அந்த துணியை திரியைப்போல அதை திரித்து வளையமாக அல்லது குட்டையாக மடித்துக் கட்டிக் கொள்ள வேண்டும். 

பின்னர் சலாகையினால் (probe) குத்தி சிறிது நெய் தோய்த்து எடுத்து, சலாகையை இடதுகையினால் பிடித்துக் கொண்டு தீயினால் சலாகையில் குத்தப்பட்ட திரியை கொளுத்திக் கொள்ள வேண்டும். ஏன் இடது கையால் பிடித்துக் கொள்ள வேண்டும் என்பதற்கான விளக்கம் பாடல்களில் கிடைக்க வில்லை.திரியானது எரிய ஆரம்பிக்கும் போது தைலமானது திரியிலிருந்து சொட்டும். அதை ஒரு பாத்திரத்தில் சேகரிக்க வேண்டும். 

இதுவே சுடர் தைலம் என அழைக்கபப்டும்.

ஆச்சர்யமான தகவல்கள்தானே....

நாளைய பதிவில் பதங்க யந்திரம் மற்றும் துலா யந்திரம் பற்றி பார்ப்போம்.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...



Post a Comment

7 comments:

வரலாற்று சுவடுகள் said...

ரசவாதம் என்பது சித்தரியலில் பெருங்கடல் என்ற ஆரம்பமே அற்புதம் ..!

ரசவாதம் பற்றிய மேலும் பல தகவலை அறிய ஆவலாய் உள்ளேன் .!

Unknown said...

arumai thozhi nengal post seithulla 11 siddha books kalai ennaal download seiya mudiyavillai pls send this books in pdf type for my mail id pls (shimbu88eee@gmail.com)

ARROW SANKAR said...

nalla iruku

ARROW SANKAR said...

nalla iruku puthiya thagaval

arul said...

nice

selvan said...

நீங்க போஸ்ட் பன்றதுககு முன் ப்ரிவியூ பார்த்துக்கொள்ளவும்.4 முறை ரீடரில் வந்தள்ளது. கவனிக்கவும்

Rajaram K said...

Good section. the non polar medicinal compounds from the medicinal plants, can be extracted using oil. the method what mentioned here is new. it is useful and can prepare every one.

Post a Comment