எது ஆனந்தம் ?, எது மகிழ்ச்சி ?

Author: தோழி / Labels: , ,

ஒருவனுக்கு பெயர், பணம், புகழ் போன்றவை கிடைத்து, அதனைக் கொண்டாட தோதான சுற்றமும், நட்பும் அமைந்து விட்டால் அதுவே பெரிய ஆனந்தம் எனப் படுகிறது. இதுவே மனித வாழ்க்கையின் மிக உயர்ந்த மகிழ்வு நிலை என்பதாக நினைத்து, அதை நோக்கியே நமது வாழ்க்கை பயணம் அமைகிறது. சிலருக்கு இத்தகைய ஆனந்த நிலை கிடைக்கிறது, பலருக்கு அது எட்டாக் கனியாகவே போய் விடுகிறது. இத்தகைய ஒரு எண்ணப் போக்கில்தான் மனித குலம் வாழப் பழகி இருக்கிறது.

பாம்பாட்டி சித்தரோ இவையெல்லாம் மகிழ்வைத் தராது என்றும், மேலான இறை நிலையை உணர்வதே பேரானந்தம் என்றும், அதற்கான வழியை பின் வரும் தனது பாடலில் கூறுகிறார்.

"பேசரிய நவவாயில் பீற்றல் துருத்தி
பெருங்காற்று உள்புகுந்ததால் பேச்சு உண்டாச்சே
ஈசன்நிலை அறியாருக்கு இந்தத் துருத்தி
எரிமண்ணிற் இரையென்றே ஆடாய் பாம்பே!"


- பாம்பாட்டிச் சித்தர் -

கொல்லர்களின் உலைக் களத்தில் துருத்தி என்றொரு உபகரணம் இருக்கும். இதனை இயக்கினால் வெளியில் இருக்கும் காற்றை உள்ளிழுத்து குவிந்த ஒரு துளை வழியே காற்றை உலைகளத்தினுள் பீய்ச்சி அடிக்கும். அதனால் நெருப்பு கொழுந்து விட்டு எரியும். இந்த துருத்தியை ஒத்ததே நமது உடல் என்கிறார் பாம்பாட்டி சித்தர்.

நவத்வாரங்கள் எனப்படும் ஒன்பது வாசல்கள் நமது உடலுக்கு உள்ளன.இவை ஒவ்வொன்றும் தனித்துவமான ஒரு வேலையை செய்பவை. இவை அனைத்தும் ஒழுங்காய் இயங்கினால்தான் இந்த உடல் இயங்கும், உயிர் தங்கும். இவற்றிற்கெல்லாம் அடிப்படையாக பிராணவாயு அவசியம். மூச்சினை முறையாக கையாளுவதன் மூலம், அதாவது இரேசக, பூரக, கும்பகமாக்குகின்ற போது அது வாசியோகமாகிறது. வாசியோகம் கைவரும் போது குண்டலினியானது கிளர்ந்தெழுந்து இறை நிலையை அடைய வைக்கிறது என்கிறார்.

ஆனால்,இதையெல்லாம் உணராத மக்கள், நிலையில்லாத ஆனந்தங்களை தேடி அதனால் மகிழ்ச்சியாக வாழ்வதாக நினைப்பவர்கள் சுடுகாட்டில் எரியும் பிணத்தின் தன்மையை ஒத்தவர்களே என்பதை நன்கு உணர்ந்தோம் என்று ஆடு பாம்பே என்கிறார்.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...



Post a Comment

5 comments:

இராஜராஜேஸ்வரி said...

சித்தர் பாடல்களின் தத்துவம் தந்த தங்களுக்கு நன்றி.

இன்பம் துன்பம் said...

இந்த பதிவு மிகவும் நன்று.சித்தரின் பாடலுக்கு நல்ல கருத்துள்ள விளக்கம் வாழ்க வளமுடன் மென் மேலும் சிறப்பாக வளர வாழ்த்துக்கள்

tamilvirumbi said...

Dear thozi,
In my real life,what everyone is experiencing today,you have brought out well from your own words.Everyone wants to go to a blissful state,but accomplishing such thing is appearing as a mirage because of kaliyuga.In India, most of the guys got stranded at this young age because of wrong guidance meted out to them.

With a lot of kudos to you,

RAVINDRAN said...

நன்றி

Sankar Namachivayam said...

மிக ஆனந்தம்

Post a Comment