சாமுத்ரிகா லக்‌ஷணம் - ஆண்களின் முகம்...தொடர்ச்சி!

Author: தோழி / Labels:

சாமுத்ரிகா லக்‌ஷணம் தொடரில் ஆண்களின் முகம் தொடர்பாக சித்தர்கள் பாடல்களில் இருந்து திரட்டப் பெற்ற தகவல்கள் இன்றும் தொடர்கின்றன. பாடல்களை தட்டச்சு செய்வதில் உள்ள சிரமம் மற்றும் பதிவின் நீளத்தினை கருத்தில் கொண்டு தகவல்களை மட்டும் இங்கே தொகுத்தளிக்கிறேன்.இந்த தகவல்களைக் கொண்டு ஒரு மனிதனை பார்த்த மாத்திரத்தில் அவரது குணாதிசயங்களையும், இயல்புகளையும் சற்றேறக் குறைய கணித்து விட முடியுமென்றே தோன்றுகிறது.

வாருங்கள்!, ஆண்களின் மூக்கு,வாய்,உதடு,பற்கள் பற்றிய தகவல்களை இன்றைய பதிவில் பார்ப்போம்.

மூக்கு
  • பெரிய மூக்கை உடையவர்கள் பொய்மையுடையவர்களாகவும், கலகக் காரர்களாகவும், பெண்பித்தர்களாகவும் இருப்பார்களாம்.
  • பெரியதாகவும்,தொங்கிக் கொண்டிருப்பதைப் போலவும் காணப்படும் மூக்கை உடையவர்கள் பேராசை கொண்டவர்களாகவும், தாங்கள் செய்யும் செயல்களை இரகசியமாகப் பேணுபவர்களாகவும் இருப்பார்களாம்.
  • முகத்திற்க்குப் பொருத்தமாவும்,அளவில் பெரியதான மூக்கை உடையவர்கள் உற்சாகமும் அமைதியும் கொண்டவர்களாகவும், பல விஷயங்களை தெரிந்து கொள்ளும் ஆர்வம் அதிகமுள்ளவர்களாகவும் இருப்பார்களாம்..
  • புள்ளிகள் அதிகம் உள்ளமூக்கை உடையவர்கள் அதிகம் கர்வம் கொண்டவர்களாகவும் வீணர்களாகவும் இருப்பார்களாம்.மூக்கின் நுனிப்பகுதியில் உரோமம் கொண்டவர்கள் வாழ்வில் எந்தசிறப்பும் அடைய முடியாதவர்களாக இருப்பார்களாம்.
  • மூக்கு நீண்டு நுனி கிளியின் மூக்குப் போல வளைந்தும் இருந்தால் அதி புத்தி சாலிகளாகவும், அத்துடன் உலக அனுபவங்களில் சிறந்தவர்களாகவும் இருப்பார்களாம்.
  • தடிப்பு குறைந்த மூக்கை உடையவர்கள் ஆயுள் அதிகம் கொண்டவர்களாக இருப்பார்களாம்.நீண்ட மூக்கை உடையவர்கள் நல்ல அதிஷ்டம் உள்ளவர்களாகவும் வளமான வாழ்வு வாழ்பவர்களாகவும் இருப்பார்களாம். தட்டையான மூக்கை உடையவர்கள திருடர்களாக இருப்பார்களாம்.
  • சதைப்பாங்குடன் அழுத்தமான மூக்கை உடையவர்கள் உயர் பதவிகள் வகிப்பார்களாம்.மூக்கின் நுனிப்பகுதி சப்பையாக இருந்தால் அவர்களுக்கு காம உணர்ச்சிக் குறைவும் ஆண்மைத் தன்மையும் இல்லாதிருக்குமாம்.


வாய்

  • வாய் பெரிதாகவும் அகலமாகவும் இருப்பவர்கள சாப்பாட்டுப் பிரியர்களாக இருப்பார்களாம்.சிறியவாயை உடையவர்கள பயந்த சுபாவமும், நிதானமானவர்களாகவும் இருப்பார்களாம்..
  • குவிந்த அழகிய வாயை உடையவர்கள் பொய்பேசுபவர்களாகவும், வாயாடியாகவும் இருப்பார்களாம்.சிவந்த வாயை உடையவர்கள் சுக போகங்களை அனுபவிப்பார்களாம்.

உதடு

  • உதடு சிவப்பு நிறமாகவும், தாமரை இழழ்போன்றுமிருந்தால் அரசன் போல் வாழ்வார்களாம்.மேடு பள்ளமான உதடுகள் இருந்தால் தரித்திர வாழ்வு இருக்குமாம்.
  • கீழ் உதடு கோவைப் பழத்தைப்போல இயற்கையாகவே செம்மையாக அமையப்பெற்றவர்கள் பொன், பொருள், வீடு, நிலம் தனமுடையவர்களாகவும், நல்ல மரபினைச் நெர்ந்தவர்களாகவும் இருப்பார்களாம்.
  • கீழ் உதடு அதிகப் பருமனாக அமைந்திருப்பவர்கள் அளவுக்கு மீறிய கற்பனை சக்தியுடையவர்களாகவும், இனிமையாகப் பெசும் ஆற்றல் படைத்தவர்களாகவும் இருப்பார்களாம்.
  • பிளவுப்பட்டிருக்கும் உதடுகளையுடைவர்கள் குற்றமனம் உடையவர்களாகவும், வலுச்சண்டையிடும் குணம் கொண்டவர்களாகவும் இருப்பார்களாம்.
  • லேசாகவும், மிருதுவாகவும், சிறியனவாகவும், உதடு அமைந்திருந்தால் அவர்கள் வாயாடிகளாகவும் பேச்சுத்திறன் பெற்றவர்களாகவும் இருப்பார்களாம்.

பற்கள்

  • சிறியனவாகவும், கெட்டியாகவும் பற்கள் இருந்தால் சிறப்பு.கூர்மையாகவும் சமனாகவும் பற்கள் அமைந்திருந்தாலும் சிறப்புத்தான்.
  • சங்கைப்பொல அதிக வெண்மையாகவும், நுனி கூர்மை பெற்றும் இருந்தால் அவர்கள் சுகவாசிகளாகவும், சத்தியம் தவறாதவர்களாகவும் இருப்பார்கள்.
  • நீளமாகவும் ஒரு பக்கம் குட்டையாகவும், மறுபக்கம் நீண்டும் பற்கள் அமைந்திருந்தால் அவர்கள் எதற்க்கும் கவலை கொள்ளாதவர்களாக இருப்பார்களாம்.
  • அகலமான, நெருக்கமில்லாமல் பற்கள் அமைந்திருப்பின் இவர்கள் நிதானமில்லாதவர்களாகவும், அவசரப்புத்திக்காரர்களாக இருப்பார்களாம்.

மேலதிக தகவல்களுடன் நாளைய பதிவில் சந்திப்போம்.

சித்தர்கள் இராச்சியம் தளத்தின் பதிவுகளை ஆங்கிலத்தில் வாசிக்க...



Post a Comment

8 comments:

Sri Kamalakkanni Amman Temple said...

நன்றி:

chakra said...

வணக்கம் தோழி ,
"செந்தமிழ்சேர் சித்தர் பதினெண்மர் பாதம் போற்றி"
தங்களின் சிறப்பான பதிவுக்கு சிறப்பான நன்றி ... .
தங்களின் சித்தர் பணி என்றும் தொடர நெஞ்சார்ந்த வாழ்த்துகள்......
என்றும்..நட்புடன்
chakra....
http://shivasiddhargal.blogspot.com

பாலா said...

அன்புள்ள தோழியே ,

எளிமையான பதிவு எல்லாருக்கும் புரியும் படி அமைத்தமைக்கு மிக்க நன்றி.

என்றும்-சிவனடிமை-பாலா-சென்னை.

Elangai Tamilan said...

தோழி,
தங்களின் இன்றைய பதிவிற்கு மிக்க நன்றி.இன்று தாங்கள் கூறிய கருத்துக்கள் அனைத்தும் எனக்கு
ஓரளவு பொருந்துகிரமாதிரி உள்ளது.மீண்டும் ,ஒரு முறை நன்றி.
Murugappan kugan
http://kathirkamamblogspotcom.blogspot.com

Rajeswari said...

ஆழ்ந்த கருத்துக்கள். சித்தர்கள் படைப்பல்லவா?

sathy said...

Guys, I have uploaded bogar 7000 pdf file. Sorry that I couldnt make out most of it.If any truly sweet,frank and pure hearted souls happened to read this entry and make out its true meaning, please do explain the master piece with day to day herbs names and saaba nivarthi mantras too. I have downloaded multiple part of this file from usetamil.forumation.com by paari, I think and binded them into a sigle file for easy reading. Below is the link....

http://rapidshare.com/files/446151049/bogar7000.pdf

Anonymous said...

அருமை , எனக்கும் ஒரு சில குறிப்புக்கள் பொருந்துகின்றன

Padianallur Land Society said...

Amazing and fabulous work Mr Sathy!!!!!!!!!!!!!!!!!!!!!!!!!!!!!

Post a Comment